KK1-2239 - Nai lap hta hka ru bun yu mu (Pouring water on the yam leaves)

Full description

Transcription (La Ring) Nai lap hta hka ru bun yu mu nga ai re gabaw gaw. Moi.. masha la langai mi nga ai da. Shi gaw masha ni gaw tinang kasha hpe kaji kaw na bungli shangun ai da shi chye ai gaw "Dai ram ram naw kaji ai mi gaw kaba wa jang chye na re" nga na she jasan jaseng ai lam mung ngalaw da bu hpun palawng mung galai ya tim ya sha agang mat mat rai bu hpun palawng shama, ga shatum bungli galaw sha ngai bungli galaw na ga shatum kaba jang e she shanhte hkrai shanhte e chye wa hkrut la wa shatsawm la wa rai mahkawn shabrang rai wa jang shi hkrai tsawm wa na re" ngu na "bungli mung ra mi naw ban la u ga" ngu na bungli mung n shangun ai dai hku tawn da wa kasha ni gaw kasha ni gaw lani hte lani nga nna kaba mat wa na she Kawa mung shi galaw mayu ai bungli sha galaw rai yang "E.. dingla gaw dingla wa nau ba wa nna she hunn ndai nye kasha ndai ni kaba sai lo bungli galaw ram sai an Kanu yan Kawa e mung grai tau ram sai lau ban tawn da gaw nmai sai ya an Kanu yan Kawa gumgai dingla wa yang gaw shanhte bai galaw ra sai" nga nna she "Bai" kasha ni hpe shaga la nna she " "Bai nan nau ni hpe e Nu yan Wa hpa mung ngalaw shangun ai grai kaba hkra tawn da ai re. Shani shagu ban hkrai ban nna rem kaba da ai re" ya gaw an Nnu yan Nwa mung gumgai dingla wa sai dai majaw nan nau ni bai e galaw ra sai Nu yan Wa a malai tai ra sai" ngu yang she hpa galaw shangun yang mung nmadat hpa galaw yang mung da shawoi lau ban ban man sai rai na shawoi nga hku sha nga maga mi de sa shangun dat yang le shara mi sa jawm jahta e nan mat hpa bungli mung ngalaw ngut hpa bungli mung ngalaw ngut rai jang gaw e hpa tam wa marit ngu tim hpa mung nlu tam wa shana de rai jang gaw hpa mung nla wa jang gaw bai gayet da bai gayet gayet hkrai gayet hpa shangun yang mung shawoi na ban mat ban man mat sai rai na gaw hpa mung ngalaw hkraw rai na nga nna masha ni gaw dai kasha ni hpe e sharin ai la dai yen la hpe gaw masha ni gaw grai yu nlu na grai yu mau sai da. "Wo ran di e shajawng shajem tawn nna ya chyawm me gaw kajawng sai ya chyawm me kasha ni kaba mat nna sharin jam jau nga e wo ra gaw naw sa tsun shadum la ra sai kacha ni mung grai jam jau nga ai" ngu "shan Kanu yan Kawa she e dai hku di tawn nna wa ya gaw bai zingri hkrai bai zingri rai yang gaw jeng mawng jeng hkang rai anhte yu ai ni mung grai yak nga" nga na she sa wa ai da dai la yan Kanu yan Kawa kaw sa wa she.. "E nyen wa ni gaw hpa rai na wa mi dan rai na wa galaw hkrai galaw hkat nga mani" nga yang she "Ndai nye kasha ni hpa shangun yang mung hpa mung n hkraw hkraw rai nna grai jam jau nga ai" ngu yang she "E.. myit su wa e nang wo ra nai lap kaw e hka ru bun yu le" n ga ai da. Kaja wa sha hka kamai la nna hka ru bun yang wa "Shawt la tawm". Bai.. bai ja la nna "Ning" di la hkra raitim mung "Ning" di lahkyawn la hkra raitim mung ning di ru bun yang maren "Shawt tawm". Madi mung nmadi wa da. Kashawt mung kashawt mat na she hka, nai lam kaw hka mung nmadi hkra rai "Dai yu yu le nang kaji kaw na nsharin ai re majaw dai nai lap kaw hka madi yang she na kasha ni mung sharin la e nmai mat sai ga rai nga ai nang sharin aten lai mat sai ga rai nga ai" ngu tsun ya ai da. Dai majaw e dai la wa mung myit yu ai da "Aw.. aw ngai gaw.. an gaw.. kasha nchye sharin mat na ndai hku rai mat sai ga rai nga ai..dai majaw nanhte nga ai kaga ngam ai ni mung an Kanu yan Kawa zawn n re sha, kashu kasha lu yang kaji kaw na bungli bungsi ni atsawm sha woi galaw woi matsun tinang dang, kadai mung kadai dang ai bungli kadai galaw rai nna sharin hkang la ga law" ngu na tsun ai da la dai wa. Maumwi htum sai. . Language as given: Jinghpaw