KK1-2429 - Jangwawm si hte duyin si a lam (Pineapple and durian)

Full description

Transcription (La Ring) Ndai maumwi na gabaw gaw duyin si hte jangwawm si na lam ngu ai re ai. Moi shawng de da duyin si hte jangwawm si ngu ai manang lahkawng nga ai da. Shan hkawng gaw da grai tsawra hkat ai da, re wa lani mi na ten hta gaw da shan hkawng yan gaw galaw hkat ai da. Hpabaw na lam hte seng na galaw hkat ai rai nga yang gaw kadai wa grau mu nmu nga lam hte seng na galaw hkat ai rai lu ai da. Dai shaloi duyin si wa shawng tsun dat ai da jangwawm si hpe "E hkau jangwawm si nang hta ngai grau mu ai e masha ni ma ngai hpe grau mari sha ai" ngu di tsun ai da. Dai shaloi jangwawm si gaw kaning bai ngu rai nga yang "Nang zawn zawn marik marawk matsat shabat san di hpaw dat yang ahpu.. nga di manam ai namsi gaw kadai gaw nsha nhten raitim ning ngai zawn dwi sau sau rai na Hkaw Hkam wang zawn zawn re namlap sen sen re ni na kata kaw rawng ai ngai zawn re ai grai tsawm ai namsi hpe she masha ni gaw grau na mari sha gaw, grau na manu shadna na sha gaw" ngu di tsun ai da. Dai hku rai na shada da wa gali galaw gali galaw rai di galaw hkat shaloi hpang e gaw shada da htawng hkat di hkra rai ai da. Dai wa htawng hkat wa shaloi gaw da duyin si wa gaw da shi na, shi na ju baw la di a jangwawm si na hkum ting kaw anyaw da ya ai da. Dai re ai majaw a jangwawm si na hkum ting kaw myi zawn zawn re anyaw hkang hkrai hkang mat ai da. Dai shani kaw na jangwawm si hpe yu dat yang hkum ting myi zawn zawn anyaw hkang, hkang taw nga ai da. . Language as given: Jinghpaw