KK1-2202 - Nhkai bum a hku (Holes in Mount Nhkai)

Full description

Transcription (Htu Bu) Moi ndai Myitkyina lam, Nhkai bum a lam maumwi kadun. Moi A Ke Du Wa gaw, shi a hkauna rai nga ai, ya Myitkyina mare ngu ai pa kaw, hkauna kaw e sa ai da. Rai na shi gaw, dunghpau sinat hpai na htaw... Nhkai bum pungding du mat wa ai shaloi, Nhkai bum pungding kaw e sha-u la-ing langai mung nga ai, dai kaw wa dung nga yang, nawng a ka-ang kaw shingna langai kyi taw nga na, shi a dunghpau sinat hpe shanat da na, "Aw ra shingna gaw hpa rai kyi taw nga rai kun? nbung a majaw rai kun?" ngu na, hta na ngu sa shaloi kalang ta dai A Ke Du Wa gaw, nhkun kaw hkrat mat wa ai. Hkrat mat wa rai yang, we.... ga kata de hkrat mat wa rai yang, lam lahkawng brang re nga, la hkra lagaw lam langai mi de, la pai lagaw langai mi de (Long pants) labu bu ai zawn rai na brang rai wa nga mat ai da. Dai shaloi shi a, shi gaw myihtoi htoi ai, myihtoi lahkum nat jawn ai re nga yang, shi a nhpye kaw mayen chyu rawng ai, machyu rawng ai dum nna e, mayen machyu dai hpe e, maga mi jahkrat dat yu yang, zim nga mat ai da. Maga mi de bai jahkrat dat yu yang, "Prung!" nga na na, dai prung nga maga de gaw ni na sai, hka rai na sai ngu na hkrat mat wa ai shaloi e, A Ke lunghtung la-ing kaw, moi American mahkrai hkrai ai kaw, dai kaw le re ai da. Re gaw, dai prung nga na n na ai gaw, le... Indaw nawng de pru mat wa ai ngu hku re. Rai yang gaw, Nhkai Bum, bum pungting na baren hku wa lam lahkawng hku ai da. Le... Indaw nawng de hku langai mi, ya, moi American ni baren rim la ai, A Ke mahkrai, American mahkrai kaw dai, "A ke lung htung htung" ngu ai kaw, dai kaw e hku lahkawng hku ai. Re majaw, "Nhkai bum kaw na Indaw nawng de hku langai mi, Mali hka kaw hku langai mi hku ai" nga na Jinghpaw ni dai hku maumwi dai hku hkai ai rai ma ai. . Language as given: Jinghpaw