KK1-2108 - Myit san seng ai num kasha (Pure girl)

Full description

Myit san seng ai num kasha a lam tsun na re. Moi kahtawng langai mi hta da gai da yan nu nga ai da, kasha gaw grai myit su ai da. Kanu hpe sha dai hku tam bau re hpe kanu gaw nyu lu wa na she shi hpe si yang i dai hku makoi mayang na sha pyi ngu na hpang la la ai da. Hpang la wa gaw jawgawng re ai da, kasha hpe grai zing ri ai da. Dai hku rai re yang she, lani mi na ten hta kawa mahkam hkam da ai hpe kasha wa gaw dai hku lai mat wa ai da. Lai mat wa hpe she chyahki wa she mahkam kaw noi nga ai hpe mu na she chyahki wa tsun ai da. E num kasha e ngai hpe ndai mahkam kaw na raw la rit ngu tsun ai da. Dai shaloi she, num kasha wa mung nau matsan dum na mahkam kaw na dai chyahki hpe raw dat ai da. Raw kau dat ai shaloi, dai raw kau dat ai hpe kawa na ai da, kawa na na she agyin abyen na gawt kau ai da. Dai shaloi she dai num kasha mung grai yawn na she sa mat wa ai da. Nam maling de sa mat wa shaloi she sa hkrap dung nga ai da, dai shaloi she shi hkrap dung nga ai makau hku she dusat ni brang tai mahkra wa she ka dan taw ai da, ka dan rai yang she yu dat yang she ka ang kaw shi dat kau dat ai shi hpyen kau dat ai chyahki rawng taw ai da, chyahki wa sa wa na she e nang hpa na hkrap ai rai tsun dan nu ngu tsun ai da. Ngai hpe i nye wa ngai hpe abyen dat ai majaw sa hkrap ai re, hkum hkrap sa yaw ngu na myi pri si ning hku sa katsut ya ai da. Dai shaloi she masha byin mat ai da, grai tsawm ai la kasha byin mat ai da. Dai shaloi she e nang hpa rai na ndai hku chyahki byin taw ai rai ngu tsun dat ai shaloi she, e ngai i anhte mungdan kaw dinggai langai mi nga ai da. Dai dinggai gaw i an wa ni hpe grai manawn ai da nye wa gaw hkawhkam re da. Ngai gaw nye wa si mat ai hpang mungdan hpe up na wa re dai she shi hpe hkawhkam jan nshatai la ai ngu hku na kawa hpe grai pawt na kawa hpe matsa ai ngu ai da. Kawa hpe matsa ai shaloi kawa gaw (hpung tago) kaba ai i shi gaw hkawhkam re taw re nga kawa gaw nhkra ai sha ngai kaw byin mat ai da. Dai hpe kawa hpe tsun da ai da ndai gaw i grai tsawm ai num kasha na myi pri hte sha nrai yang na kasha gaw prat ting dai hku chyahki byin na si mat na re ngu dai hku ngu tsun da ai ngu dai nye wa ngai hpe tsun dan ai ngu tsun ai da. Dai shaloi she, dai ni gaw nang grai tsawm ai nang na myi pri hte ngai lu hkra ai majaw ngai dai ni shinggyin masha byin sai re ngu dai hku ngu tsun ai da. Dai majaw shinggyin masha byin mat sai ngu na grai chyeju dum ai yaw ngu na shui gaw shi na mung dan de dai num wa hpe woi wa na hkawhkam jan shatai na shan lahkawng hkawhkam mungdan wa up mat ai da. . Language as given: Jinghpaw