KK1-1218 - Shaba wawt (The divination)

Full description

Transcription (Lu Hkawng) Ya ngai ka na gaw hkum n pyaw ai shat n kam sha nga nna shana katsa wa kaw shaba sa wawt ai da, sa wawt ai maumwi rai na re la yan a kahkri wa ngu na she "E tsa yan ni e shat n kam sha ai tsa e shaba naw wawt ya rit daina gaw"ngu she katsa wa gaw "Um ya daina gaw tsa myit n kaja ai hpawt de sa wa rit hpawt de sa wa rit hpawt de wawt ga ngai hkri" ngu da. Reng she ding ngu yang gaw kahkri wa kaja wa mat ai da,wa mat yang gaw shana gaw madu jan hpe she"Ya hpawt de n gu bye mi awra u langai sat n gu bye mi shadu u e lu sha mu mu ya daihpawt gaw daina tsapa hpe aw tsap sau hte atsawm sha du kabun u"ngu da. Ya n hkri wa sa wa na ra ai dai hpawt gaw katsa wa gaw rawt nna tsap sau hte tsapa kabun ai lu la nna she le nadap pa de hkauna shawt nga sai da. Kahkri wa sa wa yang she ya hkri wa du sai i, du sai ngu da. "E ya bungli jin jang wawt ga an tsa ya nang tsa ndai nni jan galaw tawn ai tsapa lu la u,ndai tsa hpe nakawng jahkring mi naw den sa galaw ya u"ngu da. Deng she "E e"nga nna kahkri wa gaw tsapa sha sha la nna she le katsa kaw nadap pa de nakawng sa galaw sai da. Nakawng ngai mi den"Gai hkri chyawm ram ai wa re nga,bai bai hkri e awra langai naw galaw u"bai ngu sai da. Re yang gaw daihpawt gaw kahkri wa mung lu ai n da ga nga nan re di galaw shakut she shakut,nga lang lang ai mung nga she kawsi hkra hkra nga lang nga ai da. "Ram ai ram ai ngai hkri ngai bai galaw u"ngu da. Bai galaw kahkri wa,nakawng mali jan,hkying shi ram lai hkra she bungli woi galaw anut reng nu ai gaw "E re sai hkri e,jan mung law sai antsa ya hkring saga,shat naw wa sha sa ga"ngu nna she woi wa ai da. Shat wa woi sha hku re nga,shat sha sai da"Hkri e sha lo,sha yang she n gun rawng wa baw re lo"ngu da. E dai jahpawt gaw shat manu mana rawt sha kau ai hku re reng nga sihtu simai mu ai re nga yang she shat n kam sha nna shaba sa wawt ai wa she dai jahpawt gaw mau na zawn re sha"Ya shakam sai n re i ngai hkri"ngu she "Um daihpawt chyawm gaw sha kam sai" "E daire jang gaw ya shaba kaga n wawt ra n re i,nang dai lagawn ai she re gaw ngai n tsa galaw sha ai zawn wa galaw sha mu yaw"ngu nna ga dai sha jaw dat ai da. . Language as given: Jinghpaw