KK1-1131 - Lagut wa mu n-gun lu la ai lam (The thief who got the lightning power)

Full description

Transcription (Lu Hkawng) Ya ndai lagut wa mu n-gun lu la ai gaw ndai mu wa she ndai jahtung ni a nta lawk lung hkrung wa shanhte nau garu gadu ai rim nau ngoi na she, mu e sa jahten ya rai na hku nga, sa jahten ya yang she, mu e masin pawt nna she, anhte a rim jahten hka rim jahten ya ai ngu na she, lung yen kaw she la nga lap yep tawn na she shaga ai da. Amu tsun na shaga yang she, mu wa sa ti she dai kaw sa galau taw jang she shanhte gaw dai kaw rim la nna she, nlung kaw she lagaw mung adep ya di na she dep daw kau ya di yang she nlung sharen kaw matep tawn ai hku rai re nga, matep tawn yang she oh dai kaw she ndai lagut wa gaw lagu lu lagu sha hkawm ai lagut wa gaw dai rim taw ai hku lai wa na she lung byen sharen kaw she mu wa mi matep nga ai da. "E matsaw du wa nang gaw dai kaw hpa re na mi matep nga n-ni'' ngu yang she ''E ngai hpe ndai jahtung ni ngai hpe dai kaw matep shareng tawn nga ai law ngai hpe hkye la rit law ngai nang myit ai lam nang galaw ai lam mahkra ngai garum na law'' ngu dai shaloi she ''Aw dai re gaw'' ngu na she dai nlung mu hpe matep tawn ai dai shareng hpe she gang malawk abyen yai malawk kau ya na she mu hpe shalawt kau dat ai da. Dai shaloi mu gaw shi ntsa ga de bai wa mat ''E dai ni kawn na gaw nang hpe ngai garum na nga'' dai majaw ndai lagu sha ai ni gaw kaning nga re ai mung hpai dang mat wa lagu sha dang mat wa ai gaw dai ni du hkra mu wa gaw ndai lagu ai ni hpe kade matsa tim nsa achye ai da. . Language as given: Jinghpaw