KK1-1046 - Woi hte hkangse a lam (The monkey and the alligator)

Full description

Woi wa ga da dai hpun 2 sha nga ai da. Shi gaw dai hpun 2 sha nga yang woi dai wa gaw dai hku sha hkan, hpun na namsi ni sha sha di na dai kaw sha noi hkawm noi hkawm re nga hkawm ai da. Hpang shani gaw hkangse hte manang byin na hku nga. Manang byin na she dai namsi hpe kabai jaw dat ai. Kabai jaw dat di na she hkangse wa gaw shi madu jan hpang la wa ya ai da. La wa ya na sa jaw ai da. Sa jaw di na she ndai namsi gaw gara kaw na la wa ai rai, ndai namsi grai mu ai. Ndai hkangse la wa gaw tsun ai da, ndai gaw nye manang jaw sha ai woi wa hpun kaw na namsi re. Ndai grai mu ai namsi re, shi jaw sha dat ai namsi re. Dai hkangse num wa gaw dai woi wa na salum sha mayu ai da. Woi wa na salum sha mayu na she woi wa na salum sa la wa rit nga tsun na hku nga. Dai she hkangse wa gaw tsun sai da. Hpun oh woi wa gaw e woi wa manang wa nye madu jan nang hte hkrum mayu ai da. Nye madu jan hte naw hkrum yu ga nga na shi gaw dai hkangse kaw jawn di na she shi gaw hka de sa she woi wa gaw chye ai re nga gaw dai hku e hkring mi naw manang wa nye na salum gaw oh namsi hpun kaw noi kau da sai. Gara hku nmai la ai. Naw n htang wa rit ngai naw wa la na nga na dai hku nhtang wa mat ai. Nhtang wa mat na hpun ntsa kaw lung di na she shi gaw salum hpe la ai da, e hkangse nang gaw grai mana ai she re nga. Grai mana ai she re nga. Grai mana ai she re nga, nang gaw ngai masu ai pyi n nchye ai. Nye salum gaw ngai shaw kau na hpun ntsa kaw noi kau yang ngai gara hku asak lu hkrung na ngai si mat na nga le. Dai hkangse hpe nang nau a nya ai nga, dai gaw da ya du hkra re ai da, ndai maubyin hpe ndai kaw jahtum ai. . Language as given: Jinghpaw