KK1-0342 - Jaiwa mahkawn (The Jaiwa song)

Full description

Transcription (La Ring) Jaiwa ngu gaw maumwi gawn ai le i. E mungkan ga gaw mungkan ga gaw kaning rai nga wa ai kaning rai pra wa ai dai hpe gawn ai wa jaiwa ga rai sai. E dai gaw nsen hku na "Aw moi sumsing lamu ngu ai mung garai nnga yang gingding kanai ngu ai mung garai npra yang e hpang wa ningsang ngu ai mi gaw shawng nga ai da le. Chye wa ningchyang ngu ai mi gaw shawng pra sai da le. Dai hpan wa ningsang gaw law e nga chye wa ningchyang gaw e law nga sumsing lamu ngu ai hpe shalat da le ginding ga nai ngu ai hpe shaprat sai da le. Dadai raitim mung sumsing lamu wa gaw ahkoi lawa nga rai da le kading ga nai gaw adam dung lada nga nrai nga da le. E e shalai hpan wa ningsang ngu ai wa mi gaw law chye wa ningchyang ngu ai wa gaw law nga. Sumsing lamu de lo e ngu nga da le ajan shata ngu ai mung hpan da sai rai da le. Summwi sumda ngu ai mung ran da sai rai da le. Wunbu shagan ngu ai mung e hpan da sai rai da le wunbu hpaw nang ngu ai mung e lan da sai rai da le. Summwi sumda ngu ai hpe mung hpan da sai rai da le ndai ginding aga de mung raw ngu da le akawng marawn ngu ai mung e lan da sai re da le. Namuk dara ngu ai hpe mung lan da sai re da le panglai hka dam ngu ai ni hpe mung hpan da sai rai da le. Le ginding la-ing de mung law nga da le ngarat ngatsang ngu ai mung hpan da sai rai da le. Samyin sut htang ngu ai hpe mung lan da sai re da le. E e e ya e gaw wo maling dinggram de mung law ngu na e shaji ningji ngu ai ni hpe mung hpan da sai rai da le shan nga zunyi ngu ai hpe mung lan da sai rai da le. E e magwi mang ngu ai hpe mung hpan da sai rai da le zaunyi shang krang ngu ai hpe mung lan da sai rai da le. E dan rai maling dinggram de law uri ugan ngu ai ni hpe mugn hpan da rai ngai da le lera gan ding gan ai de mung shayu hkang shan ngu ai ni hpe lan da sai rai da le. Maling dinggram ma gaw dai rai tup wa sai rai da le. la-ing gingding wa gaw dai rai zup nga nrai sai da le nga. Ndai gaw jaiwa ga ngu ai rai nga. Daina de nsin sin kaw na dai hku tsun ai kabyar-yut ai le i wo nhtoi htoi hkra re. Ndai mungkan ga kaw hpabaw hpan da ai hpabaw hpan da ai nga na hka kata de hpabaw hpan da ai hkarang ntsa kaw hpabaw hpan da ai tu ai gaw kawa e hpun e namlaw namlap e sha ai baw hkai ningmai e dai hpan da ai. Htaw lamu de shagan ya anhte lamu kaw shagan ngu ai yu ai shagan ngu sha re shi na shagan hpabaw hpabaw hpabaw nga ai ni nga ai hku rai nga. Shagan kaba ai ni kaji ai ni hpabaw shagan hpabaw shagan nga ni ndai anhte Jinghpaw ni a maumwi gawn ai kaw lawm ai i. . Language as given: Jinghpaw