Full description

Transcription (La Ring) Jinghpaw shatmai shadu yang bang ra ai baw arung arai ni gaw namlaw namlap ni hpe e jahkum nna bang ra ai baw re. Dai hta e shingtawn pan, mahkaw nam gala hpak ki, shanam, jum majap, shakau hpraw, namchying namchying ngu ai gaw Myen hku "sa nun" hpe ngu ai re. Dai ni hpe e jahkum nna ya lama wa ga shadawn nga shadu na nga yang nga shatmai sha ai shaloi atsawm sha pu baw kashin kau nna shi hpe e sep ni mung agu kau rai na tinang ra ai hku di kaw tawk bang tawn nna lahta na ni jahkum bang na machyang si htu bang na shakau hpraw hpe mung htu bang na. E gala hpak ki e shingtawn pan mahkaw nam ni hpe gaw e kashin na mawt bang na. majap hpe gaw jap jap di na htu bang na rai na nkau mi gaw ndai shingtawn pan mahkaw nam gala hpak ki ni hpe htu na mung bang ma ai. Raitim nkau mi gaw mawt na bang ai re. Ndai namchying ni yawng hkum hkra bang na sau loi mi sha bang Jinghpaw shatmai re majaw sau law law nbang ra ai. Sau kachyi mi sha bang na dai hpe yawng hkum sai nga jang e dai hpe e atsawm sha ta hte manat na e shi a ndai bang ai shakau shaban shalap ni shan kaw shang hkra e manat kau na. Namchyim shang hkra manat ra ai. Rai na manat ngut jang e shi hpe e ndai jum majap mu ra nra tinang gaw lata hte kahtawk nna chyim yu na. Chyim yu na rai sai nga jang dai hpe e di kaw nan ndai tinang manat da ai shan a ntsa nga a ntsa hka lim kachyi mi lim hpring rai hkra di na dun tawn na. Dai hpe kachyi mi mung nshalau sai hka hkyet hkra dai hku na shadun na. Shaloi gaw grai mu ai Jinghpaw shat mai hpe e lu sha lu ai re. Rai na lama wa hkarang shan rai yang u shan nga shan zawn re rai yang mung lahta na ndai shakau shaban ni sha bang ai. Raitim langai mi gaw shanam shi hpe gaw shanam jan nna bang ai. Hpa majaw i nga yang e shanam gaw shan hpe e manam ai hpe shaprai ya ai shan hpe e hkut shangun ai kya shangun ai e atsam shi kaw e nga ai majaw dai shanam hpe hka rang shan shadu yang gaw dai hpe e bang lang ai lam re. E rai sai i/ . Language as given: Jinghpaw

Reuse Information

uri : https://iso639-3.sil.org/code/kac

uri : https://glottolog.org/glottolog?iso=kac

uri : http://www.language-archives.org/language/kac

Created: 2020-01-10

Data time period: 2020 to ,