KK2-0155 - Putao kaw hpa baw amyu hpa baw ga shaga ai (Which groups speak which language in Putao)

Full description

Transcription (La Ring) Anhte nang Putao kaw gaw anhte e ndai myu sha marai mali nga ga ai. E myu sha marai mali kaw e Jinghpaw Lisu Rawang Sam ngu na e Sam kaw e Khamti Sam ngu na shamying ai re. Anhte Khamti Sam hte e amyu mali dai hku na kanawn mazum na nga ga ai. E langai hte langai tsun shaga ai lam hta e anhte law malawng gaw ndai hku na rau rau nga ai re majaw gaw nchye tsun tim mung chye madat ai. E bai na e ga shadawn ngai Jinghpaw wa e Sam ga nchye tsun tim mung shanhte tsun ai hpe chye madat ai. E Lisu ga nchye tim mung Lisu ga shanhte tsun ai hpe gaw chye madat ai. Rawang ga mung dai hte maren dai hku na chye madat ai ni law malawng gaw dai hku re. Bai na Sam wa mung e dai hku e Lisu wa mung dai hku rai na shi mung Jinghpaw ga nchye ngai mung Lisu ga nchye ai ni e Rawang ga nchye ai ni Sam ga nchye ai ni mung anhte nga ga ai. Dai nga ai raitim mung anhte dai hpe gaw anhte Myen ga lang na shaga ga ai. Myen ga hte anhte e langai hte langai dai hku na tinang ga hte nre sha Myen ga hte shaga yang gaw yawng gaw e chye madat ai e chye tsun ga ai i ngu na ndai ram mi re. Moi gaw Myen ga nshaga ai i gara hku shaga hkat kun? Aw moi gaw Myen ga gaw nshaga ai moi na ten hta gaw Myen ga nchye ai le. Moi gaw Myen ga nchye ai raitim mung anhte ga shadawn gaw anhte bum ga de nga ai bum ga de nga ai shaloi gaw nang kaw na e kaga Lisu ni Rawang ni Sam ni sa ai shaloi mung shanhte mung ndai Jinghpaw ga chyi chyi loi loi chye yang she shanhte mung dai hku na bu hkawm nna anhte hte tsun shaga ai. Anhte mung nang gara de sa shanhte na mare de sa tim mung e shanhte na ga e loi loi chye ai wa hte rau rau sa na e dai hku na e jinghku galaw hkat ai re e dai hku re. . Language as given: Jinghpaw