KK1-2303 - Madat mara ra ai lam (Lazy man)

Full description

Moi shawng de da kahtawng langai mi kaw e la kasha lahkawng nga ai da. Rai jang shan lahkawng gaw hkau chyawm gaw nhkau shi ai raitim mung grai lagawn ai da, bungli galaw grai lagawn ai da. Rai jang she bungli ngalaw ai sha shat lu sha na shara shi gaw tam hkawm ai hku rai nga. Rai jang lani mi shi dai hku wam hkawm wa.. dai hku hkawm ai ten manang langai hte hkrum ai da. "Manang wa e bungli n-gun ndat ra ai sha i n-gun ndat ra ai sha gumhpraw lu ai shara dai hku majoi nga let lu sha ai shara she tam hkawm ga" nga myit shan lahkawng gaw dai hku bungli nkam galaw ai shada le i grai lagawn ai shada dai hku hkrum nna shan hkawng gaw dai hku jahta hkat ai da. Jahta hkat rai jang gaw e bungli ngalaw ai sha lu sha ai shara tam hkawm dai hku mare ndai kaw na pru mat wa rai jang gaw, pru mat wa jang gaw e dingla langai hte hkrum ai da. Dingla langai hte hkrum rai jang gaw ndai dingla gaw, dai dingla wa kaw wa yup ai da shan lahkawng rai jang gaw. "E.. nan lahkawng gaw ya gara de sa na, gara kaw na gara de sa mat na" ngu tsun ai shaloi "E.. an lahkawng gaw mare kahtawng kaw e grai.. lagawn ai i, ja gumhpraw mung majoi dai hku majoi nga let majoi lu mayu bungli gaw ngalaw ai sha dai hku lu nga dai hku nga mayu hku rai nga" rai jang gaw "E rai jang gaw nan lahkawng gara de mung hkum lai ndai nye na nta kaw nga ga" ngu da. "Nye na nta kaw nga ga" ngu jang nhtoi htoi wa shagu, shana jan shang wa shagu i shi gaw ndai ma yan hte hkrum ai da. Ndai shabrang yan hte hkrum rai jang gaw "E nan lahkawng madat mara u yaw ngai hpabaw galaw ai ngai kaning nga ga tsun shaga ai dai hpe madat mu, madat mara mu" sha ngu ai da. Nai dingla wa kaw e mali ning ting.. nga da. Rai jang gaw "E.. nan lahkawng mung mai wa sai" mali ning hpring ai shaning gaw mai wa sai da. "Nan lahkawng ngai.. ngai tsun ai ga hpe sha atsawm madat u, nan lahkawng na kahtawng buga de e du hkra hkrun lam kaw e hkring tim i shani ka-ang e hkring sa hpa nya raitim nan hkawng hkum yup, dai hku dung.. dung na sha ba shahkoi la nna bai lai mat mat wa rai u" ngu na dai hku htet dat ai da. Rai jang gaw manang langai mi gaw dai dingla wa htet dat ai ga hpe e nmadat ai sha shi gaw shani ka-ang shi gaw yup mat ai da. Yup taw manang langai wa gaw "Aw.. an lahkawng mali ning ting ndai dingla wa hte rau nga ai shaloi madat mara mu, madat mara na matu chyu tsun ai. Ndai wa ai hkrun lam hta mung hkring sa timung shani ka-ang hkring sa tim hkrun lam hkan e shani ka-ang hkring sa timung hkum yup, ndai hku sha dung nna lai mat u" ngu tsun ai da. Dai shaloi gaw e ndai shani ka-ang hkringsa ai shaloi nyup ai ndai la wa gaw nawng langai kaw e u achyang san ai u langai mi shang wa ai hpe mu ai da. Rai jang gaw "Ga.. ndai u achyang san ai ndai shang wa, nnan shang wa shaloi gaw achyang san ai da, bai pru wa jang gaw ahpraw san na pru wa ai da. Rai jang gaw "Aw.. ndai hka gaw tsi rai sam ai" ngu na shi gaw e rai hka mai ja la ai baw i lama ma kaw e shi gaw ja la ai da. Rai jang gaw bai wa rai jang gaw ndai kahtawng langai mi de du jang gaw "E.. ndai kahtawng kaw gaw Hkaw Hkam wa shan chyang ana lu ai majaw, shi gaw shan chyang ana lu ai. Ndai tsi lu lajang ai wa hpe gaw Hkaw Hkam wang chyen mi hte shi na shayi i Hkaw Hkam shayi ma jaw sha na" ngu na ndau laika dai hku laika ka da ai hpe mu hti ai da. Rai jang "Ndai Hkaw Hkam wa shan chyang ana lu ai hpe ngai tsi tsi la na" ngu na she shi gaw dai hku tsun ai. "Tsi tsi la na, ngai.. tsi.. chye tsi ai" ngu na dai hku hkam la ai hte "Dai mi ja la ai ndai lam kaw e ja la ai dai hka nawng kaw na ja la ai hka dai hte e tsi na" ngu na shi dai hku hkam la ai hte rau shi gaw tsi ai da. Tsi ya jang kaja wa sha nan dai Hkaw Hkam wa na shan chyang ana ma mai mat.. Rai jang she shan chyang ana dai mung mai mat rai jang gaw dai Hkaw Hkam wang chyen mi hte shi na kasha shi hpe e jaw sha na dai shi mungdan chyen mi lu madu na dai hku lu nga mat ai, ngu hpe e tsun dan mayu hku re. Maumwi gaw ndai kaw htum sai. . Language as given: Jinghpaw