Full description
Ya ngai tsun na lam gaw uru hka bum de njai tawng bum de nhtang hku lwi lung wa ai hpe bum kaw nan lwi taw nga ai hpe ngai nan wa mu da sai hku re. Ndai gaw moi kaw, moi byin lai wa ai maumwi re. Ya ngai hkai dan na hku re, Njai tawng ngu kaw nat htingnu langai nga ai hku re. Dai nat hkan nu wa ni gaw numsha 7 lu ai hku re nat hkan nu wa ni la kasha nlu ai. Num kasha 7 lu ai rai yang e jaugawng mahkyu wa gaw shi shan gyam hkawm ai shi shan gyam hkawm rai yang she dai shan nu wa ni kaw du pru wa ai. Du pru wa yang e dai jaugawng mukhkyu wa gaw grai ket grai ket dai kaw num kasha ni mam htu yang mung mam htu nang, hpun hta yang mung hpun hta nang re na ket jang she dai kaw na hkawhkam nat shan la gaw nta nwa shangun sai da. Dai mukhkyu wa hpe shani shana shi dai kaw nga 7 ning tup nga yang kasha nambat 4 ngu na mahtu hpe shi ra hkat sai da. Nambat 4 mahtang na numsha hpe shi ra nna dai kaw nga mat wa rai lani mi gaw shi nam de hkawm nna wa du gap da ai da, wa du gap da yang she lam hku lai wa ai ni hpe dai shi hkap mu dat nna she hpungki wa hpe e uru hka hpe nang bum de lung wa shangun, ngai ndai zawn re na shan gap da ai, shan hpya ra ai, hka mung nnga ai ngu na htet dat yang she ai lai wa lai sa re ni gaw hpungki wa hpe tsun ya ai da. Uru hka hpe hto jaugawng mukhkyu wa uru hka hpe njaitawng de lung wa shangun nga na htet nga ai ngu wa tsun yang she kaja wa dai ni gaw wa tsun dat ai da. Uru hka e nhtang de hto njai tawng de bum de lung wa na nga ngu tsun she, e uru hka e jaugawng mukhkyu wa hto bum ntsa kaw shan gap tawn da nga ai da, hka mung nnga ai kaw hkraw taw nga ai, lung wa na de bum de ngu kaja sha hkre hkre yan lung, hka nhtang de lwi lung mat wa ai nga ya hka dai gaw kaja sha lai wa lai sa ni yawng mung lu ai, lai wa lai sa ni yawng mung mu ai. Ngai mung wa mu da rai sai re. Dan re na jaugawng mukhkyu wa gaw kaja wa dai hka htet ai shaloi hpungki wa pyi nkam taw ai da. Shan gap da ai nga yang, raitim mung wa tsun ai ni tsun ai majaw tsun dat ai hte hto nhtang hku lwi lung mat wa ai nga ya tang makan lam kaw dai hka nhtang hku lwi ai dai nga taw nga ai hku re. Dai majaw nanhte kadai mung wa du yu wa lai yu re ga ngu hku re, dai jaugawng maukhkyu wa nga lai wa ai nta hkan e mung nat shayi ni htu ai htum ni amyu myu sumla ni grai naw nga taw nga ai hku re. Ya anhte ni nga ya she kaba wa ai ni mung wa du yu ga, ya du hkra naw nga ai. Moi na retim mung dai hka lwi ai ni mung ya du hkra nga taw nga ai. Wa mada yu ga ngu na ngai nanhte hpe ndai hte hkai dan ai hku rai nga ai re. Grau nna nanhte ya kaba wa ai mani wa du nna maumwi bai shatai htawm de hpang de du hkra ban hte ban hkai mat wa na hku ndai maumwi hpe galoi mung hkai lang nga ga ngu na nanhte kashu kasha ni hpe law law hku chye na hkawn hkrang nna ndai zawn re lamyik kumla gaw ya du hkra dang dawng taw nga ai, yawng wa mada yu ga ngu nna ngai kaw nna nanhte hpe ndai zawn ngu hkai dan ai re. Dai jaugawng mukhkyu wa mung gara ga na dam pru ai re pyi nchye shi ai gaw kanu kawa nlu ai majaw dai kaw dam du ai re. . Language as given: Jinghpaw Reuse Information
Created: 2017-02-09
Data time period: 2017 to ,
ISO3166: MM
Subjects
User Contributed Tags
Login to tag this record with meaningful keywords to make it easier to discover
Identifiers
- DOI : 10.4225/72/5989e265c2cf8
- Local : KK1-0649
- URI : http://catalog.paradisec.org.au/repository/KK1/0649